Gott fyrir RÚV!

Það er þó eitt gott við að Hjálmar Sveinsson fer á kaf í borgarapparatið.  Nú getur hann ekki lengur þóst vera hlutlaus umfjallandi í flokkspólitískum einræðum sínum á á fullum launum hjá RÚV.  Nú hlýtur hann að verða settur til hliðar, ef hann heldur þar áfram störfum.  Það sama hlýtur einnig að gilda um klerkinn Bjarna Karlsson hjá ríkiskirkjunni.

Hjálmar tekur sæti

Athugasemdir

[Skeggi Skaftason, 31.5.2010 kl. 13:11]

Þú meinar að þú viljir bara "atvinnupólitískusa" í sveitarstjórnir og Alþingi?  Fólk úr öðrum störfum má ekki gefa kost á sér, nema með því að fyrirgera rétti sínum til að starfa áfram á fyrri vettvangi?

[Halldór Halldórsson, 31.5.2010 kl. 13:57]

Auðvitað verða þeir sem áður unnu við bein uppistands- og áróðursstörf, jafnvel þótt þeir þættust vera hlutlausir alla jafna, að víkja úr þeim störfum, þegar gríman fellur og flokksmaskínan sést malandi að baki þeim!

[Skeggi Skaftason, 31.5.2010 kl. 16:10]

Hjálmar hefur um árabil verið einn af okkar betri útvarspmönnum, unnið mikið og gott efni í Speglinum og í sérstökum þáttum þar sem hann fjallaði um skipulagsmál í Reykjavík. Ekki síst sú vinna hvatti hann til að taka virkan þátt í sveitarstjórnarmálum.

Komdu nú frekar með dæmi um meint hlutdræg vinnubrögð, Halldór Halldórsson, heldur en að blaðra svona útí loftið. 

[Björn ólafs (IP-tala skráð) 31.5.2010 kl. 23:38]

Skipulagsmál í mjög þröngri merkingu eru lengi búin að vera vinsæl umræða á höfuðborgarsvæðinu. En Hjálmar er fyrsti Reykvíkingurinn sem talað hefur í fjölmiðli  um mikilvægasta  hlutverk skipulagshugsunar, nefninlega sköpun borgarumhverfis. Á mjög auðskiljanlegan hátt hefur hann bent á að gott skipulag er allt annað og miklu meira en bardagi hagsmunaaðila, lóðaúthlutun og hraðbrautir. Við erum að skapa umhverfi fyrir okkur sjálf og margar komandi kynslóðir. Ég skora því á Hjálmar að nota tækifærið til að hafa enn virkari áhrif á framtíðina.