Aðalatriði viðtalsins!

Álit Össurar á samstarfi við VG og þörf á ESB aðild, ætti ekki að koma neinum á óvart.  Það er hins vegar rauðlitaða yfirlýsingin í viðtalinu sem er nýtt frá forystumanni Samfylkingar:  "Þarf að gera upp stuðning Samfylkingarinnar við eina blokk í atvinnulífinu".  Hér er loksins grímulaus ádeila á áralöng blíðuhót Samfylkingarinnar í garð Jóns Ásgeirs og yfirleitt í garð allra þeirra sem ákváðu að vera upp á kant við Davíð Oddsson, enda gerði hann sjálfur það mörgum afar auðvelt með óþarfa persónuhnjóði.

Það er hins vegar rétt að rifja upp hvernig hnútukastið byrjaði og það var í framhaldi af mjög hörðum orðum einmitt Össurar á Alþingi í garð Hagkaupa og Bónus í sambandi við vöruverð í verslunum.  Davíð kom í ræðustól og sagði að það gætu komið upp þær aðstæður að rétt þætti að búta niður aðila sem væru orðnir "of stórir" og ráðandi á markaði.  Jón Ásgeir stormaði þá fram í fjölmiðla og sagði að losa þyrfti þjóðina við forsætisráðherra eins og Davíð.  Eftir það kallaði Davíð, Jón Ásgeir götustrák; og allir ættu að þekkja framhaldið.

En nákvæmlega þarna þagnaði Össur um Bónus og kó og ekkert misjafnt sagt um þess konar hyski fyrr en nú!  Athygli vert!

Össur hlynntur þjóðstjórn