Ég! Um mig! Frá mér! Til mín!

Þingræðisást Bessastaðabóndans nær sumsé ekki lengra en svo, en að það sé forsetans að leggja sitt mat á hvort vilji Alþingis sé fyrir þingrofi "Það verður að vera sjálfstætt mat forsetans. Þó er hugsanlegt að ástandið í þjóðfélaginu sé þannig að að dómi forsetans að hann telji það verði að vera við þeirri ósk.".  Ergó!  Ef forsetinn metur það þannig, þá  ......... skítt með lýðræðið!  Eins og venjulega með Ólaf Ragnar þá er það hans persóna sem allt á að snúast um.

En það er alveg sjálfsagt að skera forsetaeinstaklinginn úr þessari óvissusnöru með því að leggja niður forsetaembættið við endurskoðun stjórnarskrár. Forseti Alþingis getur gegnt tildurhluta núverandi embættis og það er vel hugsanlegt að Alþingi verða að kjósa forseta þingsins með auknum meirihluta hverju sinni, t.d. að 63% þingheims þyrfti til að ná kjöri til embættis forseta þingsins. Um þingrof og nýjar kosningar færi þá eins og með önnur mál Alþingis, meirihluti þings ræður!

 

Ólafur Ragnar: Vildi upplýsa þjóðina

Athugasemdir

[hilmar jónsson, 27.1.2009 kl. 14:56]

Dapurlegur missiklningur hjá þér. Ef þú kynnir þér það sem Ólafur segir, þá áttarðu þig á því að hann er í einu og öllu að fylgja eftir því starfssviði sem honum tilheirir, sem forseti þjóðarinnar.

[Halldór Halldórsson, 27.1.2009 kl. 15:02]

Hvernig er hægt að misskilja það sem ÓRG sagði og er feitletrað hér að ofan?  Er hann að segja eitthvað annað en að venjulega eigi hann að gagna úr skugga um meirihlutavilja Alþingis áður en þing er rofið; nema ef hann metur það þannig að meirihluti Alþingis hafi á röngu að standa?  Eða er það eins og ég held, að fyrst þetta er ÓRG þá eigi hann að fá að ákveða sitt starfssvið sjálfur?

[Ómar Bjarki Kristjánsson, 27.1.2009 kl. 15:23]

Eg verð að segja að mér finnst þetta óvenjulega skýrt og vel fram sett hjá Forsetanum.  Endanlegt vald er samkv. Stjórnarskrá í höndum Forsetans.  Kristaltært.  Ef Forsætisrtáðherra leggur fram roftillögu er Forsetans að meta og segja endanlega af eða á.  Í því mati verður að sjálfsögðu að horfa til stöðunnar á Alþingi og fleiri þátta.   Er meirihluti með rofi eða á móti o.s.frv.

Kristján Eldjárn mat það td. svo 1974 að jafnvel þó meirihluti á Alþingi virtist á móti rofi samþykkti hann það samt.  Taldi stöðuna þannig að engar líkur væru á að það tækist að mynda stjórn á skömmum tíma.  Engin sjáanleg laun o.s.frv.

Það umhugsunarverða í rauninni er,  að einhverjir hafa verið að koma því inn hjá þjóðinni að Forsetinn hafi ekki þingrofsvaldið.  Það er það sem er í rauninni merkilegt og umhugsunarvert.  Og Mbl.is ætti að skrifa nokkrar fréttaskýringar um það efni.