Ekki orð um árásir Existu á krónuna!

Eins og vænta mátti nefnir Lýður Guðmundsson ekki einu orði að Exista hefur um langt skeið tekið stöðu gegn krónunni, beinlínis með það að markmiði að fella gengi hennar.  Enda hefur komið fram úr þessari átt, að þeir hafi með annarri hendinni aðeins verið að verjast gengissveiflum evrunnar; þrátt fyrir að vera að afgreiða á sama tíma gengistryggð lán með hinni hendinni, sumsé Lýsingu.  Það var absólútt fyrirséð að þetta yrði lántakanum dýrt spaug og ekkert öðruvísi né betra en að Lýður og hyski hans hafi rænt mann og annan við byssukjaft.

Fengum langmesta höggið

Athugasemdir

[Guðjón Sigþór Jensson, 26.8.2009 kl. 12:15]

Jú Lýður víkur að þessu í ræðu sinni en af orðum hans má ráða hneyksunartón að þeir í stjórn Exista hafi ekki fengið sínu fram að hafa sjálftökurétt gagnvart krónunni.

Greinilegt er að ræða hans er varnarræða. Ekki er t.d. vikið að gagnrýni þeirri sem fram kom í fyrravetur um einkennilega hækkun á hlutafé félagsins en einungis 2% af því mikla fé virðist hafa verið greitt til félagsins. Á hlutahafafundi í vor lagði undirritaður fram tillö-gu þess efnis að atkvæðaréttur væri bundinn því skilyrði að hlutafé væri að fullu greitt og að það hafi ekki verið veðsett undanfarna 24 almanaksmánuði. Þessi tillaga var kolfelld!

Um þetta hefi eg ritað nokkrar greinar í Morgunblaðið. Ekki víkur Lýður í neinu að þeirri gagnrýni sem þar kemur fram.

Mosi alias

Mosi

[Rúnar Þór Þórarinsson, 26.8.2009 kl. 13:19]

Það er ekki við því að búast, enda er það dæmi eitthvað sem þeir lenda í fangelsi fyrir. Þeir eru að keppast við að vinna sér inn góðvild núna Bakkavararbræður og félagar þeirra, Hreiðar Már og aðrir með að biðja þá valdamiklu menn afsökunar sem annars myndu standa gegn þeim í málsóknunum óumflýjanlegu.

Staða gegn þjóðinni. Þeim fannst þeir komast upp með þetta, og kannski gera þeir það eða hvað?