Mín skoðun!

Allt frá fyrstu andardráttum "búsáhaldabyltingarinnar" réri Ragnar Þór Ingólfsson að því að verða framtíðarfulltrúi VR (stéttarfélagsins míns) í stjórn Lífeyrissjóðs Verslunarmanna.  Þetta hefur allt kristallast nú!  Eina svar stjórnar VR er einmitt að koma í veg fyrir að téður Ragnar verði kjörinn í stjórn  Lífeyrissjóðsins.  Við, greiðendur og lífeyrisþegar þurfum allt annað en "BYLTINGU" á þessum tímum!

Segir túlkun formanns VR aðra en stjórnarmanna

Nýr blaðafulltrúi ríkisstjórnarinnar??

Ætli komi ekki á daginn að uppstillingin á ljósmyndinni sýni nákvæmlega hvernig í pottinn er búið.  "Borgararnir" verða sumsé alltaf hækja ríkisstjórnarinnar þegar hún vill það við hafa.  Enda hefur Birgitta, sem blaðafulltrúi stjórnarinnar, komið með skýringu á leyndinni!

Ekki var búið að laga orðalag ESB-plaggsins

Breskir lygarar skilja ekki fyrr en skellur í tönnum!

Það er alveg ótrúlegt að Gordon Brown skuli geta komist upp með að ljúga því til að íslenska þjóðin beri ábyrgð á töpuðum innistæðum í breskum banka!  Ég hélt, satt að segja, að þetta gæti aðeins gerst í örgustu fasista- og kommúnistaríkjum. Allir breskir þingmenn og hver einasti fjölmiðill þar í landi eru greinilega slegnir blindu fyrir hverri lyginni á fætur annarri úr þeim ljóta tranti Samfylkingarforingjans í Downingstræti 10.  Það liggur því fyrir að við verðum sjálf að vekja breta til umhugsunar og það getum við gert með áhrifaríkum hætti.  Við slítum stjórnmálasambandi við Bretland!

Bretar að semja við IMF

Hvort þeirra lítur undan fyrst?

Þau Jóhanna og Steingrímur eru núna í STÖRU.  Eigum við að giska á hvort lítur undan, með sviða og tár í augum?  Ég tippa á Steingrím!

Þingflokkar boðaðir á fund

Og skíta svo á gólf, borð og stóla!

Er það ekki þannig sem einstaklingar í hústökuhópnum greiða atkvæði um deilumál?

Hópur fólks kominn inn á Vatnsstíg

Eftirlit með Jóni eða séra Jóni?

Hvernig ætli standi á því að eftirlitsþörf yfirvalda með því að enginn "fái meira" en honum/henni ber, vex og harðnar eftir því sem sá sem "fær", er smærri og fátækari?  Og verði einhverju yfirvaldi það á, að taka fyrir einn af þeim "stóru" (Baug og Jón Ásgeir, hóstaði einhver í eyrað á mér), tja! .. þá er bara farið með málið fyrir dómstóla þar sem er úrskurðað að þetta var bara "bissniss" og þ.a.l. í himnalagi!  En Guð forði þér frá svo því að spyrja um hvort fyrir liggi önnur eftirlitskerfi, t.d. með því hvort dómarar þiggi mútur!!??

Háar fjárhæðir gætu sparast með eftirliti

Út í ystu myrkur!

Og svo munu reykvískir kjósendur senda hann þangað sem hann á svo fyllilega skilið;....... út í ystu myrkur.  Ég vona bara að hann eyði SÍNU fé, en ekki ANNARRA, til baráttunnar.

Ólafur kveður Frjálslynda

Hvað með Kolbrúnu?

Það er eðlilega mikið fjallað um að Guðlaugur Þór falli af stalli sem oddviti listans í Reykjavík.  En svo er sagt að aðrar breytingar verði ekki!!??  Þýðir það að massívar útstrikanir á Kolbrúnu Halldórsdóttur hafi engin áhrif, þar sem hún náði ekki kjöri til setu á Alþingi?  Á hún ekki að falla niður um eitt eða tvö sæti í varamannaröð listans?

Guðlaugur Þór niður um sæti

Af hverju má ekki spyrja?

Hvers vegna skelfist Samfylkingin svo mjög, ef spurning á borð við;  Vilt þú fela ríkisstjórn Íslands að hefja nú þegar aðildarviðræður við ESB, með það að markmiði að aðildarsamningur verði lagður fyrir þjóðaratkvæðagreiðslu til samþykkis eða synjunar?, verði lögð fyrir þjóðaratkvæðagreiðslu?  Gæti slík atkvæðagreiðsla ekki farið fram með tiltölulega stuttum fyrirvara, t.d. einum mánuði?

Þjóðin verður að ráða

Alveg sjálfsagt!

Miðað við að skrípafígúra eins og Þráinn Bertelsson hefur verið kjörinn til setu á Alþingi fyrir þetta lið, ásamt yfirlýsingum mannvitsabrekkna eins og kosningastjórans, finnst mér alveg sjálfsagt að Sjálfstæðisflokkurinn skipti sér ekki af Borgarahreyfingunni frekar en að hún sé ekki til.  Smáflokkar þurfa nefnilega á velvilja annarra að  halda, til að hafa sem mest áhrif í nefndastarfi og slíku á Alþingi í stjórnarandstöðu.  Slíkan velvilja verður EKKI að finna gagnvart Þráni og kó!

Opin fyrir samstarfi við alla nema Sjálfstæðisflokkinn