Hverju ætli Evrópusambandið hafi lofað Rússum?

1.  Ætli sé búið að lofa að Georgía verði aldrei aðili að NATO??

2.  Að "Evrópa" setji sig ekki upp á móti því að Rússar innlimi S-Ossetíu og Abkasíu?

3.  Að Alþjóðadómstóllinn rannsaki ekki frekar þjóðarhreinsanir Rússa á þessum svæðum?

4.  Að "Evrópa" muni sýna "skilning" á því að Rússar þurfi að "vernda hagsmuni" þeirra sem bera rússnesk vegabréf, en kjósa að búa innan landamæra annara sjálfstæðra ríkja, eins og t.d. Eistlands, Lettlands og Litháen?

Rússar styðja friðarumleitanir

Athugasemdir

[Björn Magnús Stefánsson, 12.8.2008 kl. 21:59]

Uss... Það er einhver skítalykt af þessu.

Mér finnst skrítið að Rússarnir hörfi svona allt í einu og vilja skyndilega gera friðarumræður. Kannski átti Bush forseti einhvern þátt í þessu líka, hann var að bjóða Georgíumönnum aðstoð var það ekki. 

Veit ekki hvort það fæli Rússana fyrir því, en þeir eru búnir að gera miklar skemmdir og vilja frið áður en Georgíumenn svara almennilega fyrir sig.

Þetta er hættulegur leikur allt saman.

[Helgi Hrafn Gunnarsson (IP-tala skráð) 13.8.2008 kl. 10:49]

Það eina sem ég skil ekki er hvers vegna vesturlönd virðist setja sig á móti sjálfstæði S-Ossetíu. Það var það sem byrjaði allt klandrið, en merkilegt nok eru það vitleysingarnir sem stjórna Rússlandi sem virðast vera með S-Ossetíu í liði hvað varðar sjálfsagt sjálfstæði þeirra.

Mér er farið að sýnast að offors Rússa hafi verið ekkert annað en nákvæmlega það; offors. Þeir hafa enga raunverulegra hagsmuna að gæta þarna nema að ná olíuleiðslunni frá Kaspíahafi til Svartahafs, en það væri bara of brútal til að ganga upp í raun, sem og að þá þyrftu Rússar að innlima Georgíu svo gott sem alfarið, eitthvað sem þeir eru í rauninni ekki í aðstöðu til að gera.

Vonandi hefur Sarkozy tekist að gera þetta jafn vel og það lítur út. Ef þetta gengur eftir, þá eykst virðing mín fyrir Sarkozy talsvert. Gott að sjá Frakka taka fram úr Bandaríkjamönnum í þessum efnum.

En sjálfstæði S-Ossetíu verður að verða að raunveruleika. S-Ossetía mun ekki einfaldlega sætta sig við að vera áfram hluti af Georgíu, enda engin ástæða fyrir Georgíu til að halda í þetta land nema vegna stoltsins. Það eru engar auðlindir þarna, þessi þjóð er de facto sjálfstæð, það er bara ein leið til Rússlands í gegnum göng sem S-Ossetíumenn hafa stjórnað síðan 1992... ég bara sé ekki hvers vegna Georgía vill svona ólm halda í þetta svæði. Það er ekkert þarna þess virði að berjast yfir nema stolt.

Smá gagnrýni á þessa grein, samt. Hún er bara spurningar. Það er endalaust hægt að spyrja spurninga, og það er endalaust hægt að gefa í skyn og velta fyrir sér hvort hitt eða þetta gæti verið, en mér finnst að höfundur ætti að gera tilraun til að reyna að svara þessum spurningum sínum, með fullri virðingu, jafnvel þó svörin væru ágiskanir. Þetta minnir mig á fréttirnar sem eru spurningar, "Veldur kaffi krabbameini? Geimverur á Ítalíu?" - ég veit það ekki, ma'r, seg þú mér.

[Guðmundur Ásgeirsson, 13.8.2008 kl. 12:20]

Björn Magnús, já það er alls ekki ólíklegt að Bush hafi átt þátt í þessu, í fyrsta lagi eru hann og Pútín fyrrverandi viðskiptafélagar. Í öðru lagi er það Sarkozy sem mætir á svæðið sem sáttasemjari, og þá er kannski við hæfi að skoða hvar bróðir hans vinnur og fyrir hverja... Það er í raun alveg ótrúlegt hversu mikið allir þessir stjórnmálamenn sem stýra heimsmálunum að því er virðist, eru nátengdir olíuviðskiptum annars vegar og hinsvegar vopnasölu og -framleiðslu, og svo spila þeir hiklaust beggja vegna borðsins ef því er að skipta. Til þess að selja fleiri vopn þarf jú að sprengja þau sem fyrir eru, ekki satt? Og fátt eykur notkun á eldsneyti meira en stríðsrekstur, þetta er bara "business as usual" fyrir þessum klækjarefum.