Forðist viðskipti við Lýsingu.

Það er alveg ljóst að Lýsing hf er langsamlega verst af fjármögnunarfyrirtækjunum við að mæta viðskiptavinum sínum í greiðslukröggum. Enda er Lýsing í eigu EXISTA og stjórnarformaðurinn heitir Lýður Guðmundsson.

Ganga ekki að frystingu vísri

Athugasemdir

[Helgi Sv. (IP-tala skráð) 14.1.2009 kl. 11:06]

Sæll.

Afhverju segirðu það? Ég er með erlent bílalán á mínum jeppa og orðinn atvinnulaus. Greiðslubyrði farið úr 36 þús per mán upp í 90 þús. Ef ég á í vandræðum, þá hringi ég og ekkert vandamál. Mjög elskulegt fólkið við mig þarna hjá Lýsingu. 

[Halldór Halldórsson, 14.1.2009 kl. 11:48]

Sæll Helgi Sv.

Ég held að þú hljótir þá að vera á sérkjörum hjá Lýsingu!  Hjá Lýsingu starfar elskulegt fólk í hvívetna og ekkert upp á það að klaga.  Starfsólk þess ákveður ekki kjörin sem viðskiptavinum býðst, en það er bara ekkert hægt að líta framhjá því að hjá Lýsingu fæst ekki sama þjónusta og hjá öðrum fjármögnunarfyrirtækjum.  Hjá öðrum en Lýsingu bjóðast frystanir og lengingar lána og ekki króna tekin fyrir breytingar.  Lýsing býður mér engar lengingar, aðeins 50% afborgun í þrjá mánuði og síðan 75% afborgun í aðra þrjá. Það sem frestast er sett á jafn marga gjalddaga sem eftir voru og í upphaflega samningnum.  Gerðin kostar 7000 krónur í fyrra skiptið og 5000 krónur í hið síðara.  Þetta kalla ég "langverstu" þjónustuna af fjármögnunarfyrirtækjunum.

[Lena (IP-tala skráð) 14.1.2009 kl. 17:24]

Ég verð að vera sammála því að þetta eru arfaslök kjör. Sjálf er ég með erlent bílalán hjá SP fjármögnun og greiði núna eingöngu vaxtagjalddaga fram í mars. Þetta rann í gegn án nokkurra vandkvæða. Ef ekki verður hægt að framlengja greiðslustöðvuninni þá vona ég sannarlega að þeir standi við að breyta lánum þannig að fólk verði fært um að greiða af þeim.