Vegna ritskoðunaráráttu "viðurkennds" bloggara:

Ég leyfði mér áðan að setja athugasemd við skrif Akureyringsins Stefáns Friðriks hér að neðan.  En  Stefán er með ritskoðunaráráttu og birtir ekkert nema það sem honum er þóknanlegt.  Ég er sumsé greinilega í "ónáð" hjá almættinu og skrifa þetta því aftur á vettvang sem ég vona að Stebbi hafi ekkert um að segja.  Ég sagðist nefnilega ekki styðja Bjarna til formanns flokksins á komandi landsfundi og sagðist vera að bíða eftir hvað Þorgerður Katrín varaformaður hygðist gera, en að ég myndi styðja hana byði hús sig fram.  Einnig sagðist ég helst vilja fá Þorgerði og Hönnu Birnu borgarstjóra í Reykjavík til forystu flokksins eins og í pottinn er búið.  Bjarni er hreinlega ekki rétti maðurinn á þessum tíma; hvað svo sem síðar verður!

Bjarni staðfestir framboð

Athugasemdir

[ÞJÓÐARSÁLIN, 31.1.2009 kl. 21:49]

Ég er gallharður á því að Hanna Birna sé besti kosturinn. Menn hljóta að sjá að allt í einu varð dauðaþögn um málefni Reykjavíkurborgar. Á örstuttum tíma náði hún friði. Hún er eldklár og einstaklega mælsk

[Carl Jóhann Granz, 31.1.2009 kl. 22:20]

Ég vona að Hanna Birna haldi áfram að gera góða hluti í Reykjavík, einnig sama með Árna Sigfús í Reykjanesbæ. Betra að halda þessu góða fólki í þeim góðu störfum sem þau nú gegna.

Ég ætla að bíða með að taka ákvörðun um hvern ég mun styðja á landsfundinum, vonandi eigum við eftir að sjá nokkra góða einstaklinga í viðbót og heyra vel í þeirra áherslum til framtíðar.