Hver eru viðurlögin??

Ég spurði í gær, af sama tilefni, hver viðurlög eru við því ef sannleikselskandi og -upplýsandi þingmaður, tja! t.d. á borð við Birgittu Jónsdóttur; færi í leynigögnin og kjaftaði síðan öllu í okkur kjósendurna?  Er virkilega enginn sem veit þetta, eða þorir að svara því?

Skoða Icesave-gögn í lokuðu herbergi

Athugasemdir

[Axel Þór Kolbeinsson, 3.7.2009 kl. 10:24]

Kemur fram í almennum hegningarlögum:

91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með …¹⁾ fangelsi allt að 3 árum, eða sektum, ef sérstakar málsbætur eru fyrir hendi.