"Virtir" lögmenn?

Lögmaðurinn Morten Furuholmen, sem fylgdi norska "Helvítisenglinum" til Íslands er ekki alveg óumdeildur í heimalandinu.  Hann er þekktur fyrir að verja "meinta" stórglæpamenn og er meira að segja sjálfur ákærður fyrir að vera þjófsnautur ("heleri") fjárglæframanna.

Norski vítisengillinn hefur komið hingað áður

Samfélagsógn er næg ástæða!

Vélhjólaklúbbar á borð við Hells Angels eru kinnroðalaus glæpasamtök um allan heim.  Flestir ef ekki allir félagar klúbbanna eru dæmdir ofbeldisglæpamenn og ég treysti yfirvöldum fullkomlega til að meta hverjir eru ógn við íslenskt samfélag og þar með til að meina þeim aðgang að landinu.  Reyndar vil ég ganga svo langt að ALLIR sem hlotið hafa refsidóma fyrir ofbeldi, skulu ætíð og hvar sem er, eiga á hættu að vera meinað að ferðast á milli landa.  Þá skiptir mig engu hvort viðkomandi teljist hafa "lokið afplánun" fyrir glæpinn.

Tengist inngöngu MC Iceland í samtök Vítisengla

Hverra hagsmuna kynni sá hollenski að gæta?

Það er sjálfsagt að vita nákvæmlega úr hvaða átt skeytin koma, þegar menn eru vændir um lygi.  Hollenski seðlabankastjórinn Dr. Arnout Henricus Elisabeth Maria (Nout) Wellink hefur um langt skeið verið innsti koppur í búri hjá Alþjóðabankanum og Alþjóðagjaldeyrissjóðnum og til og með setið í stýrinefndum við að koma fram þrýstingi IMF gagnvart skuldugum þjóðum.  Ætla mætti að slíkur aðili myndi síst trúa fagurgala bankamanna um stöðu sinna fyrirtækja og ég spyr mig því hvort Elísabet María þessi sé ekki að ljúga upp á menn og slá ryki í augu sem allra flestra, til að líta betur út en ástæða er til??

Áttu ekki samskipti við Hollendinga vegna bankanna

Et tu! Brut?

Auðvitað er ekkert mjöl í pokahorninu, hreint né óhreint, hjá Össuri.  Hann er í Samfylkingunni og það eitt garanterar að hann getur ekkert rangt gert! Púnktur og Pasta!

Hafði engar innherjaupplýsingar

"Oh, God it´s hard to be humble ..

...  when you're perfect in every way!", segi í lagatextanum frá þeim í westra.  Og ef eitthvað skortir á fullkomleikann, þá nægir alveg að vera með stórmennskubrjálæði Ólafs Eff!

Ólafur: Fengu ekki mann fyrr en hann bauð sig fram

Lygatæfa!

Það er best að kalla hlutina réttum nöfnum.  Svandís Svavarsdóttir lýgur því að hennar eigin orkuauðnartilfinningastefna ráði engu við ákvarðanatöku, heldur hrein og klár skipulagslög.  Þetta hafði ekki tekið allan þennan tíma, ef svo hefði verið. Þá hefði hún getað úrskurðað um þetta fyrir ári síðan, á fyrsta degi í embætti en nú er búið að tefja allt ferlið verulega og það var einmitt það sem hún stefndi að allan tímann!!!  Sem sagt lygatæfa!

Minnir á ofnæmisviðbrögð

Ekki stytta leiðir! Lengjum þær!

Auðvitað á ekki að velta fyrir sér fíflsskap eins og hagkvæmni við að halda Blönduósi inni í alfaraleið norður í land.  Svo má líka gera bragarbót varðandi önnur sveitarfélög.  Er ekki sjálfsagt að leggja af t.d. Holtavörðuheiði og láta leiðina liggja um Búðardal og fara síðan Steinadalsheiðina yfir á norðurlandið?  Tja! eða þræða bara ströndina; þannig má eflaust fá flest þorp á Íslandi örugglega inn á túrhestakortið!

Andstaða við Húnavallaleið

Pöntuð skýrsla Katrínar.

Miðað við samsetningu "nefndarinnar" var vitað frá fyrsta degi hvernig "skýrsla" hennar myndi líta út.  Hver og einn einasti "nefndarmanna" hefur nánast beinan hag af því að ausa peningum í þessa hít og telur að ákvarðanir um dagskrá og mannaráðningar verði teknar á lokuðum fundum menningarelítunnar.

Gagnrýna alræðisvald útvarpsstjóra

Af hverju geta blaðurmenn ekki haft tölurnar réttar?

Norðmenn eru með 4 stig í riðlinum, ekki 5.  Sem þýðir að tapi Ísland fyrir Noregi og Danir vinna Króatíu, þá fara Króatar og Danir í undanúrslit og Ísland tekur næsta flug heim.  Vinni Króatar Dani nægir Íslandi jafntefli gegn Noregi til að komast í undanúrslit.  Eru þetta einhver geimvísindi?

Jensen tryggði Dönum sigur gegn Norðmönnum

Hengið smiðinn, ekki bakarann!

Nú er það komið á daginn að ríkissaksóknari hefur ekkert með útgáfu á ákærum vegna efnahagsbrota að gera og því ekki röng forgangsröðun hans sem veldur því að útrásarvíkingar og bankamenn hafa ekki enn sætt ákæru.  Hörður trúbadúr er því að lemja á röngum aðila og ég er alls ekki viss um að Hörður myndi sætta sig við að vera tekinn í gegn í hvert sinn sem Boj Gjords gerir eitthvað af sér; bara vegna þess að þeir eru í sama faginu!

Dómsvaldið hlýtur svo réttilega að dæma mótmæla-"smiðina".  Þar virðist nefnilega ekki nokkur vafi leika á að lög voru þverbrotin.

Mál mótmælenda þingfest