Fjórflokkurinn styrkist!

Engum blöðum um að fletta.  Og þetta er afleiðing "búsáhaldabyltingarinnar"??

Samfylkingin stærst

Svo verður hver að þjóna sinni duld!

Ég ætla rétt að vona að þau hafi leitað til "fagmanna" í þessu efni, eins og er orðið svo pólitískt "rétt" nú um stundir.  Var það ekki eitthvað í þessa áttina sem Guðmundur í Byrginu og kó hafði svo gaman að?  Öðlast kannski líf þess fólks nýjan tilgang í kreppunni?

Láta hýða sig í mótmælaskyni

Tillaga sjóðsstjóranna!

Á undanförnum árum hafa fjárhættuspilamenn séreignarllífeyrissjóðann getað þjónað lund sinni á markaði og vel að merkja; þegið milljónir fyrir á mánuði.  Síðasta ríkisstjórn var farin að ræða að einhverjir þyrftu að nýta séreignasparnað sinn fyrr en ella vegna fjármálakreppunnar; til að koma í veg fyrir gjaldþrot heimila í einhverjum mæli.  Aldrei heyrðist orð um annað frá þingmönnum en að þetta yrði í verulegum mæli  og svo um munaði.  Ég skrifaði sjálfur nokkrum þingmönnum og fékk góðar undirtektir við málaleitan minni.  Það var jafnvel nefnt að hugsanlega yrði breytt skattskyldu greiðslna sem þessara. Og svo heyrðist í sjálfu sér ekki mikil gagnrýni við þessu; annað en einstaka hjáróma mjálm,...... frá hverjum haldiði?  Jú, jú!  Sjóðsherrunum á milljónalaununum í bönkum og sparisjóðum.

En nú hefur afurð málatilbúnaðarins litið dagsins ljós.  Að mati Vinstri Grænna og Samfylkingarinnar er nægilegt að SéreignarlífeyrissjóðsEIGANDI eigi allra náðarsamlegast að mega nýta sér ca. 70 þúsund á mánuði í níu mánuði, eða ca.105 þúsund í sex mánuði til að bjarga heimili sínu frá gjaldþroti.  Lítilmennskan verður andskotann ekki stórmennskulegri en þetta!  En auðvitað er mjög gott að fá það fram, án nokkurs vafa, að Vinstri Grænir og Samfylking ganga í sínu lífi beinna pólitískra erinda fjárhættuspilaranna í lífeyrissjóðunum.  Því skal verða haldið á lofti fyrir kosningarnar næstu!

Geti tekið 1 milljón úr séreignasjóðum

Jón Baldvin forsætisræaðherralærði.

Ef grannt er skoðað, hlýtur Jón Baldvin að teljast til aðal arkitekta bankahrunsins.  Má ég minna á að Jón þessi er búinn að hamra á því að við fengum "allt fyrir ekkert" með upptöku EES samningsins og svo kom iðulega fram í drottningarviðtölum að Jón Hannibalsson hefði hreinlega "lært" til þess að verða forsætisráðherra.  Auðvitað komu fleiri persónur fram í þessu leikriti og pólitíkusar hefðu betur skoðað hvað þetta "allt fyrir ekkert" samningur hafði að segja í smáa letrinu; sumsé að Evró-kratar myndu bara túlka samninga sér í hag þegar á reyndi og að í rauninni hefði EES samingurinn þýtt "þú tapar öllu og færð ekkert í staðinn!"

Jón vill að Ingibjörg víki

Ágúst Ólafur Þurs!

Það er bara nákvæmlega eftir öðru sproki og verkum Össurar Skarphéðinssonar undanfarin ár, að kalla varaformann Samfylkingarinnar ÞURS; enda hefur Össur illa getað dulið takmarkalausa fyrirlitningu sína á Ágústi Ólafi.  Sjálfur myndi ég nú samt velja þursinn Ágúst fram yfir Alþýðubandalagsaftanúrkreistinginn Össur til að koma málum áfram á stjórnarheimilinu; ef ég yrði að velja einungis á mill þeirra tveggja.

Tvö hænufet og tvíhöfða þurs

Alltént vel ættaður!

Ég óska Sigurði Inga frænda mínum alls hins besta hjá Framsókn á Suðurlandi.  Miðað við þá sem sitja fyrir á Framsóknarbekknum í kjördæminu hlýtur hann að eiga góða von um forystusæti.  Mér skilst reyndar að hann hafi fylgt Sjálfstæðisflokknum að málum hér áður fyrr og þá er alla vega gott að grunnurinn er góður.  Ég byrjaði hins vegar í Framsókn, en þroskaðist!

Vill í forystusveit í Suðurkjördæmi

Hvað segið þið um 1. ágúst??

Er sumsé fullnægt þörfum fólks um tafarlausar breytingar í Seðlabanka að tímasetja uppsagnirnar?  Eða halda menn að Þjóðhanna geti samþykkt þetta hjá Eiríki, en ekki gagnvart Davíð?

Eiríkur hættir í júní

Bessastaðaskrípið samt við sig sjálft!

Frá fyrstu stund hef ég verið viss um að Íslendingar myndu fjölmargir iðrast þess að hafa kosið Ólaf Grímsson sem forseta og allt er það að koma fram.  Á nákvæmlega sama hátt lét ég þess getið á sínum tíma, að þeir stjórnmálamenn sem um véluðu, myndu iðrast þess að hafa gert Davíð Oddsson að seðlabankastjóra.

Skapstóri forsetinn

Verður ekki búsáhaldabylting við Bessastaði?

Hvenær ætlar Hörður Torfa með Austurvellinga sína, ásamt rumpulýðnum með grjótið sitt, að storma að Bessastöðum og krefjast þess að aðal-uppklappari og grúpía útrásaraðalsins um langt árabil, Ólafur R Grímsson, fái að taka pokann sinn??

Þjóðverjar fái engar bætur

Eru opinberu réttindin bara sjálfsögð?

Það er afar forvitnilegt að sjá, að það gerir enginn athugasemd við að lífeyrisréttindi opinberra starfsmanna skerðast ekki neitt!  Meira að segja formannskandídatarnir tveir hjá VR nefna það ekki einu orði, heldur halda áfram að tala um hvað var hverjum að kenna og hvenær.  Nú er það alveg pottþétt að það þarf að skipta um forráðamenn allra markaðssjóðanna fyrr en síðar og það verður gert!  En mesta óréttlætið fyrir okkur sem verðum að vera með eggin okkar í markaðslífeyrissjóðunum, er að horfa upp á opinbera starfsmenn með réttindi sín naglföst hjá ríkissjóði og Ögmund Jónasson sitjandi yfir öllu með belti, axlabönd, túrtappa og bleyju fyrir öllum áföllum. 

Skerða lífeyri um allt að 10%