Þjóðaratkvæðagreiðslu strax!

Allir, hver um annan þveran, lofa Íslendingum þjóðaratkvæðagreiðslu áður en gengið verði í Evrópubandalagið.  Nauðungarsamningar við ESB vegna bankanna er engu minna alvörumál og ég krefst þess að leiðir verði bornar undir þjóðaratkvæði í kosningum.  Fyrr þarf auðvitað að liggja fyrir hvaða aðrar leiðir eru færar, s.s. að taka upp dollar og gefa Evrópu þannig langt nef.

Samningar um Icesave eina leiðin

Skríll og rumpulýður!

Ég sé að flestir þeir sem hafa til þessa tjáð sig um skemmdarverk og skrílslæti, eru með hræsnis- og yfirlætissvip yfir þessu;  "Auðvitað mæli ég þessu ekki bót, en þetta er skiljanlegt og gott að það beinist í rétta átt".  Ég veit að það þýðir ekkert að beina orðum til gerendanna sjálfra, sem eru yfirleitt af þeirri gerð sem eru "steiktir og pæklaðir" af áralangri óreglu.  En ætli blogg-eggjendur heilalausa rumpulýðsins velti því fyrir sér eitt einasta augnablik að kostnaður vegna tjóns sem af hlýst, er greiddur beint eða óbeint úr vösum saklauss almennings; t.d. ríkissjóðs þegar Alþingishúsið er skemmt og með hækkun trygginga þegar tryggingafélög greiða bætur eins og tilfelli Valhallar.

Máluðu Valhöll rauða í nótt

Segjum Evrópu upp!

Það var satt að segja svo komið, að ég var að verða sannfærður um að eina leiðin til framtíðar fyrir Ísland væri innan ESB og með Evrur í viðskiptum.  Svona var nú komið fyrir mér, þrátt fyrir nasistastæla Bresku stjórnarinnar.  Ég var farinn að trúa því að ESB sæi til þess að deilur okkar vegna IceSave yrðu settar í dóm og gerð, sem báðir aðilar yrðu að sætta sig við á endanum.

Ég vil því þakka honum Jóhannesi Lætenberger fyrir að opna augu mín að nýja og sjá! þar blasir við það sem gömlu Nasistarnir í Þriðja Ríkinu vildu og stefndu að allan tímann; ekkert andskotans múður, annars skjótum við bara þig og þína!

 Nú eiga Íslendingar að segja skilið við EES og NATO og taka upp dollar.  Semja síðan við Rússa um að setja upp nokkar rakettur í Keflavík í loftrýmisverndarskyni.

Fáum ekki lán nema Icesave deila leysist

Djö.....! Plataður af fyrirsögninni.

Ég fagnaði hástöfum innra með mér, þegar ég sá fyrirsögnina; því ég hélt að þarna væri átt við druslurnar sem sitja í bankaráði og bankastjórn Seðlabankans.  Ég held þó hugmyndinni opinni og legg til að druslurnar "mínar" verði sendar til London.  Þau hljóta að geta sett allt á annan endann þar líka!

Druslurnar sendar úr landi

Enn eitt breska fíflið!

Eins og tvíeykið Hitler/Göbbels fyrr á árum, virðist tvíeykinu Brown/Darling hafa tekist að ljúga að sínu fólki réttlæti þess að allir íslenskir bankar og útibú þeirra í Bretlandi yrðu teknir með valdi og nauðgað í krafti hryðjuverkalöggjafar.  Héðan af verður bara að vona að breski glæpalýðurinn, Brown og hyski hans, verði enn á stöðum þar sem unnt verður að taka þau og "flá lifandi" þegar búið verður að ganga frá málum fyrir dómstólum!

Upptök vandans í íslenska bankakerfinu

Bretar eru að

Ég viðurkenni að fyrirsögn mbl.is fær algera falleinkunn, en ég bið ykkur um að lesa fréttina sjálfa líka.  Þá kemur fram að það eru alls ekki Íslendingar, stjórnvöld eða aðrir, sem eru að taka lán hjá hryðjuverkamönnum bresku stjórnarinnar.  Þeir eru að lána sjálfum sér, sínum eigin tryggingasjóði lána. Sumsé að eyrnamerkja 800 milljónir punda til að borga þeim sem voru svo endemis vitlausir að eiga peninga á Ice-Save reikningum Landsbankans.  Svo ætla þeir að fara í mál við íslensk stjórnvöld til að fá þetta endurgreitt; tja! eða láta IMF borga sér þetta af þvi sem Ísland fær í neyðaraðstoð??

	Bretar lána 800 milljónir punda vegna Icesave
Ábyrgðarmaður færslu Tenging við þessa frétt hefur verið rofin vegna kvartana.

Er þetta mögulegt?

Ég er einn fjölmargra sem á nokkra upphæð í séreignarsparnaði.  Ég á víst að geta byrjað að taka lífeyri úr þessum sjóði sextugur, en get líka frestað því og fengi þá hærri upphað á mánuði á skemmri tíma.  Nú spyr ég mig hvort ekki er mögulegt að opna fyrir að nýta hluta sjóðsins til að losna við skuldir, s.s. yfirdrátt og myntkörfubílalán, sem líklega munu gera mig gjaldþrota á innan við hálfu ári, þó ég haldi vinnulaunum mínum.  Það er því miður ekki útlit fyrir að ytri aðstæður (gengi og verðbólga) breytist svo til batnaðar, að gjaldþol verði viðráðanlegt.  Ég spyr því hvort ekki megi breyta lögum um séreignasjóði á þann veg, að unnt sé að nýta hluta eignar, t.d. þriðjung, til að greiða upp örugga gjaldþrotavalda og að ég komist aftur á þann grunn að geta hafið séreignarsparnað að nýju?  Auðvitað yrði slík fjárhæð skattlögð eins og lög segja til um. Hvað þarf til?  Er ekki slík leið örugglega í þágu allra í efnahagskreppunni?  Hver myndi missa spón úr aski sínum við slíka breytingu?  Í fljótu bragði kem ég ekki auga á neinn; nema að það myndi líklega minnka möguleika sjóðsstjórnarinnar á að "spila" á markaði?

Þó er alltaf ein örugg leið til að þetta séreignarfé mitt geti mjög fljótlega komið að gagni við að eiga við fyrrnefnda gjaldþrotavalda búsins míns!!  Þessi séreignarsjóður minn erfist nefnilega, öfugt við sameignarlífeyrissjóð, sem ég hef líka greitt til öll þessi ár.  Búið mitt þyrfti sem sagt að vera orðið DÁNARBÚ; og erfingjar gætu varið eignirnar.  Þarf þetta virkilega til?????

Hvað fær Jón Baldvin í laun?

Hvað skyldi Jón Baldvin Hannibalsson vera með í laun, beint úr ríkissjóði?  Væri ekki upplagt fyrir þessa "samvisku" vinstri liðsins, að gefa það upp?  Ég óska eftir því að Jón Baldvin gefi upp hvað við, sárasaklausir íbúar Íslands, erum að borga honum fyrir að standa á torgum og hrópa????

Þögn ráðamanna mótmælt

Til hvers SÞ?

Við Paul Kennedy sameinaðraþjóðamálaálitsgjafi erum fyllilega sammála um að Ísland átti ekkert erindi í Öryggisráð SÞ.  Við erum bara ekki sammála um "hvers vegna"!  Að mínum dómi hefur Ísland nefnilega ekkert erindi í SÞ.  Hinar "Sameinuðu" Þjóðir (SÞ) hafa, kannski allt frá upphafi, einuingis verið vettvangur mikilmennskubrjálaðra stjórnmála- og embættismanna, með hóp "álitsgjafa" eins og téðan Kennedy við fætur sér; tilbúna til að rísa upp þegar þeim er sigað, gelta og bera tennur til verndar "göfugu hlutverki" félagsskaparins.  Hvenær hafa "álitsgjafarnir" fjallað með eðlilegum hætti um þær hundruðir þúsunda og milljónir manna sem hafa beinlínis látið lífið vegna aðgerða eða aðgerðaleysis SÞ??  Ætli nægi ekki að nefna staði eins og Rúanda og Kósóvó sem dæmi um þetta?

Framboð Íslands út í hött?

Ólánleg myndlíking!

Það er sannast að oft fara alls ekki saman gáfur á mismunandi sviðum þegar vel menntað fólk ætlar að grípa til skeleggrar tjáningar.  Eitt versta dæmið á undanförnum árum var þegar Ingibjörg sagðist ætla að opna "Pandóruöskjuna" og átti að vera fólki mjörg jákvætt, án þess að vita að með "Opnun Pandóruöskjunnar" er átt við að hella heimsendi yfir mannheim og aðeins vonin ein eftir til bjargar.  Ólafur Ísleifsson hagfræðingur er oft til fyrirmyndar við sína hagfræðilegu tjáningu, en svona myndrænt þá byrjar enginn endurreisnarstarfsemi sem er "STADDUR Í HVIRFILBYLNUM MIÐJUM!!??"; heldur bíður sá aðili þar til allur hvirfilbylurinn er genginn yfir og hefst þá handa um endurreisn.  Ef Ólafur er að reyna að setja vaxtaákvarðanir Seðlabanka í myndlíkingu, myndi ég miklu frekar segja að menn hefðu hlustað á veðurlýsingar, haft af þeim miklar áhyggjur en ekki gert neitt til varnar; s.s. flóðvarnir.  Að þeir í Seðlabankanum hefðu með stýrivaxtahækkunum sínum jafnvel hoggið skörð í fyrirliggjandi flóðvarnagarða.

„Hér hreyfist ekki neitt"