Engin greiðslukrafa í gangi!

Ég skil ekki til fulls af hverju fólk er að æsa sig þetta?!!  Það segir hver um annan þveran að hér sé á ferðinni millileikur fyrir fjármálafyrirtækin til að þau geti skráð tölu um eignir sínar í bókhaldið miðað við 30. júní 2010.  Ég get ekki séð að þetta vinarbragð Seðlabankans og Fjármálaeftirlitsins gagnvart fjármögnunarfyrirtækjunum (aumingjunum litlu!) muni yfirleitt leiða til að þau sendi lántakendum nýja greiðsluseðla; enda hefur hvergi myndast löglegur grunnur til að reikna skuldabréfið upp á nýtt, nema að fylgja dómi Hæstaréttar upp á púnkt og prikke.

Ef það hins vegar gerist, að fjármögnunarfyrirtækin freistast til að senda út nýja greiðsluseðla, er ég staðráðinn í að líta á það sem tilboð um að hefja viðræður um nýjan samning.  Helst vildi ég auðvitað að þeir kæmu á skrifstofuna til mín að þessu sinni, líkt og ég þurfti að fara til þeirra í hvert sinn sem ég bað um skilmálabreytingu til að halda upphæð mánaðargreiðslna viðráðanlegum.  Ef mér og Lýsingu semst, mun ég svo einungis fara fram á sömu upphæð og hinar breytingarnar eru búnar að kosta mig, samtals!

Niðurstaða dómstóla í haust