Þökk sé Framsókn!

Skyldu ráðherrarnir og aðstoðarmennirnir ekki vera þakklátir Framsókn fyrir að teygja á launagreiðslum til þeirra um heilan mánuð?  Allt vegna Kögunarsonarins sem þurfti að gera sig gildandi við refina Steingrím og Pandóru!

Verða á launum út febrúarmánuð

Hvers vegna í andskotanum .....

láta vinstri-hænsnin, utan sem innan ríkisstjórnar, ekki reyna á stóru orðin og stinga þessu liði í fangelsi?  Hænsnin gagga öll í einu að lögbrotin blasi við hverjum sem sjá vill.  Hví í fjandanum var löggan ekki mætt við dyrastafinn hjá bankastjórunum og bankaráðinu uppúr kl.18:00 á sunnudaginn þegar vinstri stjórnin var komin með lyklavöldin? 

Yfirlýsingar jaðra við einelti

Afsakið fyrirfram!

Eins og búast mátti við, ætla þeir í minnihlutasjórninni sér ekki stóra hluti og hafa því vaðið vel fyrir neðan sig, svo þeim geti skolað upp á grynningarnar þegar kemur að kosningum í vor.  Þeir ætla að halda væntingum kjósenda í algjöru lágmarki og segja að þeir hafi í raun verið þvingaðir til allra óvinsælla aðgerða; og, vel að merkja, allt hafi hvort eð er verið Sjálfstæðisflokknum að kenna.  Að Samfylkingin hafi í rauninni ekki setið í ríkisstjórn í tæp tvö ár og að Framsókn, "ljósmóðirin" með klíputangirnar, hafi síðast komið að stjórn landsins einhvern tímann á síðustu öld!

Lofum engum kraftaverkum

Vegna ritskoðunaráráttu "viðurkennds" bloggara:

Ég leyfði mér áðan að setja athugasemd við skrif Akureyringsins Stefáns Friðriks hér að neðan.  En  Stefán er með ritskoðunaráráttu og birtir ekkert nema það sem honum er þóknanlegt.  Ég er sumsé greinilega í "ónáð" hjá almættinu og skrifa þetta því aftur á vettvang sem ég vona að Stebbi hafi ekkert um að segja.  Ég sagðist nefnilega ekki styðja Bjarna til formanns flokksins á komandi landsfundi og sagðist vera að bíða eftir hvað Þorgerður Katrín varaformaður hygðist gera, en að ég myndi styðja hana byði hús sig fram.  Einnig sagðist ég helst vilja fá Þorgerði og Hönnu Birnu borgarstjóra í Reykjavík til forystu flokksins eins og í pottinn er búið.  Bjarni er hreinlega ekki rétti maðurinn á þessum tíma; hvað svo sem síðar verður!

Bjarni staðfestir framboð

Verða mótmæli?

Skyldu verða potta- og pönnuglamur á Austurvelli í dag, þegar ný ríkisstjórn lítur dagsins ljós, eða mætir kannski bara rumpulýðurinn með eggin og gangstéttahellurnar?  Vonandi verður lögreglan á tánum þarna!

Ríkisstjórnin kynnt í dag

Samkeppniseftirlitið?

Á, já!?  Er Gylfi Magnússon stjórnarformaður Samkeppniseftirlitsins?  Það hefur nú varla talist til sérstakra afreka í ferilsskránni, miðað við framgöngu þeirrar vitamáttlausu ríkisstofnunar.

Gylfi tók ráðherraboði

Við skulum muna hvaða flokkar fella reglugerðina úr gildi!

Auðvitað eigum við að nýta hverja og einustu auðlind og alveg sérstaklega á þessum tímum.  Ég ætla bara að biðja fólk um að muna hvaða flokkar það verða sem fella nýsetta reglugerð um hvalveiðar úr gildi, Samfylking og Vinstri Grænir, ein einnig stuðningsflokkanna Framsóknar og Frjálslyndra.

Fagna hvalveiðum

Aflýsið strax!

Utanríkisráðuneyti á að aflýsa ráðstefnunni þegar í stað og ef þeir endilega vilja, þá má gefa sem ástæðu, að ekki verði ábyrgst öryggi þátttakenda eftir þrotlausar grjótkastsæfingar íslenska rumpulýðsins.  Fljótlega á svo að taka ákvörðun um að yfirgefa þessa vitaþarflausu samkundu og peningahít að fullu og öllu!  Ég hef ekkert skipt um skoðun frá því ég starfaði á Keflavíkurflugvell og lét þess getið, við litla hrifningu hervæddra viðstaddra, að göfugasta hlutverk ameríska hersins og NATÓ væri að skapa störf fyrir Íslendinga.

Málstofa við óvenjulegar aðstæður

Það viturlegasta í lengri tíma frá Ingibjörgu Sólrúnu.

Það var löngu kominn tími til að stöðva kjaftavaðalinn í ÓRG við að flytja enn eina ÉG-UM-MIG-FRÁ-MÉR-TIL-MÍN ræðuna.  Er ekki einhver leið til að losa til í honum "öryggisventilinn" og sjá hvort þar verði nokkurt loft eftir??

Ekki tími fyrir málfund

Ég! Um mig! Frá mér! Til mín!

Þingræðisást Bessastaðabóndans nær sumsé ekki lengra en svo, en að það sé forsetans að leggja sitt mat á hvort vilji Alþingis sé fyrir þingrofi "Það verður að vera sjálfstætt mat forsetans. Þó er hugsanlegt að ástandið í þjóðfélaginu sé þannig að að dómi forsetans að hann telji það verði að vera við þeirri ósk.".  Ergó!  Ef forsetinn metur það þannig, þá  ......... skítt með lýðræðið!  Eins og venjulega með Ólaf Ragnar þá er það hans persóna sem allt á að snúast um.

En það er alveg sjálfsagt að skera forsetaeinstaklinginn úr þessari óvissusnöru með því að leggja niður forsetaembættið við endurskoðun stjórnarskrár. Forseti Alþingis getur gegnt tildurhluta núverandi embættis og það er vel hugsanlegt að Alþingi verða að kjósa forseta þingsins með auknum meirihluta hverju sinni, t.d. að 63% þingheims þyrfti til að ná kjöri til embættis forseta þingsins. Um þingrof og nýjar kosningar færi þá eins og með önnur mál Alþingis, meirihluti þings ræður!

 

Ólafur Ragnar: Vildi upplýsa þjóðina